პავლე ტაბატაძე არის საქართველოს ტექნიკურ უნივერსიტეტის ინფორმატიკისა და მართვის სისტემების ფაკულტეტის დოქტორი და საქართველოს ტექნიკური უნივერსიტეტის კომპიუტერულ მეცნიერებათა ფაკულტეტის წარჩინებული მაგისტრი. დამთავრებული აქვს საქართველოს საპატრიარქოს წმინდა ანდრია პირველწოდებულის სახელობის ქართული უნივერსიტეტის ინფორმატიკის, მათემატიკისა და საბუნებისმეტყველო მეცნიერებათა ფაკულტეტის ბაკალავრიატი.

პავლე არის პროგრამული ინჟინერი, საგანმანათლებლო თამაშების დეველოპერი - სსიპ. განათლების მართვის საინფორმაციო სისტემის, საგანმანათლებლო ინოვაციებისა და ტექნოლოგიების სამსახურში, ასევე, პროგრამული ინჟინერი tasteit-ში. არის ასოცირებული პროფესორი საქართველოს საზოგადოებრივ საქმეთა ინსტიტუტში  (GIPA). კითხულობს ლექციებს ჯეოლაბში, უნილაბსა და საინფორმაციო ტექნოლოგიების ცენტრში „მზიური“. 

პავლე ქმნის თამაშებს Android და iOS ოპერატიული სისტემებისთვის, აპლიკაციებს Android ოპერატიული სისტემებისთვის, წერს აპლიკაციებისათვის ბაზასთან კავშირისა და მონაცემთა მიმოცვლის სერვისებს PHP პროგრამუ

ლელე მაისურაძემ დაამთავრა თბილისის სახელმწიფო სამხატვრო აკადემიის სახვითი ხელოვნების ფაკულტეტი, გაიარა ინტერფეისის დიზაინის სასერტიფიკატო კურსი ჯეოლაბში; ჩაატარებული აქვს კურსები სხვადასვა პროგრამის ფარგლებში: UI/UX დიზაინის ლექცია ქართულ-ამერიკულ უნივერსიტეტში (GAU), “Spend your summer in Georgia” კამპანიის, UI/UX-ის კურსი საქართველოს ინოვაციებისა და ტექნოლოგიების Gita-სა და ჯეოლაბის ერთობლივი პროექტის და TBC youth ტექსკოლის ფარგლებში.

როგორც გრაფიკოსს და UI/UX დიზაინერს, უთანამშრომლია სხვადასხვა კომპანიებთან, როგორც სრულ განაკვეთზე, ისე ფრილენს-პროექტებზე, როგორებიცაა: USAID, ილიაუნი, ორბელიანი მეტი, Сhai khana, Media.code, Project Lab, Touch.Point და სხვა.
ლელე ამჟამად უძღვება გრაფიკული დიზაინის და ვებდიზაინის კურსებს USAID-ის საზაფხულო სკოლის ფარგლებში. Commschool-ში გრაფიკული დიზაინის კურსს და BTU-ში მუშაობს ვიზუალური კომუნიკაციის ლექტორად, მარკეტინგის დეპარტამენტში.

გიორგი ნავდარაშვილს დამთავრებული აქვს თბილისის სახელმწიფო უნივერსიტეტი. მან ასევე დაასრულა  ჯეოლაბის ანდროიდ-დეველოპმენტის სასერტიფიკატო პროფესიულ კურსი.

ჯეოლაბში სწავლის დასრულების შემდეგ გიორგი შეუერთდა კომპანია ვანდიოს, სადაც საშუალება ჰქონდა ემუშავა ისეთ პროექტებზე როგორიცაა: სფეისი - მობაილ ბანკინგი, ხალიკ ბანკი - მობაილ ბანკი, მეამა, ბილიკი, ზუმერი.

2022 წელს გიორგი ჯეოლაბს შეუერთდა მობილური აპლიკაციების დეველოპმენტის ტრენერად.

ნინო კაჟაშვილმა დაამთავრა ივანე ჯავახიშვილის სახ. თბილისის სახელმწიფო უნივერსიტეტის მექანიკა-მათემატიკის ფაკულტეტი. ასევე, სწავლობდა საქართველოს ტექნიკურ უნივერსიტეტში ინფორმატიკისა და მართვის სისტემების ფაკულტეტზე. ნინო, 2006 წლიდან დღემდე, სხვადასხვა პროგრამის ფარგლებში თანამშრომლობს განათლებისა და მეცნიერების სამინისტროსთან. არის მასწავლებელთა პროფესიული განვითარების ეროვნული ცენტრის ინფორმაციულ-საკომუნიკაციო ტექნოლოგიების ტრენერ-კონსულტანტი და იმავდროულად, რამდენიმე ტრენინგ-მოდულის ავტორი/თანაავტორი; თანამშრომლობდა ინოვაციების და ტექნოლოგიების სააგენტოსთან (Gita), იყო Front-End Development ტრენერი. ასევე, თანამშრომლობდა საერთაშორისო კვლევისა და გაცვლების საბჭოს (IREX) თბილისის ფილიალთან პროექტის „ისწავლე, რათა ამოიცნო“ ფარგლებში; იყო მედიაწიგნიერების მასტერ ტრენერი და მოდულის შინაარსის მოდიფიცირების სამუშაო ჯგუფის წევრი. თანამშრომლობს კომუნიკაციების ეროვნულ კომისიასთან, ატარებს ტრენინგებს „დეზინფორმაცია, როგორც გამოწვევა - კრიტიკული აზროვნების განვითარება სკოლებში“. 

ხათუნა ციხელაშვილმა დაამთავრა ისრაელის აკადემიური კოლეჯი. ხათუნა მრავალი წელი მუშაობდა სკოლაში ისტ-ის მასწავლებლად და საინფორმაციო მენეჯერად; არის არაერთი სატრენინგო მოდულის ავტორი; მრავალი წელია ატარებს სხვადასხვა ტიპის ტრენინგებს ტექნოლოგიების მიმართულებით;  არის ქართული ენის დისტანციური სკოლის მენეჯერი, რომელიც ქართულ ენას ასწავლის უცხოეთში მცხოვრებ 800-მდე ქართველ მოსწავლეს 36 ქვეყნიდან; თანამშრომლობს კომუნიკაციების ეროვნულ კომისიასთან დეზინფორმაციის პრევენციის დარგში. ამჟამად მუშაობს მასწავლებელთა პროფესიული განვითარების ეროვნულ ცენტრში „ციფრული ტექნოლოგიების დანერგვის ხელშეწყობის ქვეპროგრამის“ მენეჯერად.